Vrasja e Klodjan Rashës, numri dy i Policisë mesazh familjarëve: Po e heton prokuroria, jemi në krah të qytetarëve

Numri dy i Policisë së Shtetit, Albert Dervishi, duke folur në emisionin Top Talk theksoi se policia e shtetit ka nisur menjëherë hetimet mbi ngjarjen që çoi në vrasjen e Klodjan Rashës.
“Së shpejti hetim et do të mbyllen dhe punonjësi i policisë do të dalë për konfirmimin e masës së arrestit. Unë i bëj thirrje familjarëve të që të veprojnë me gjakftohtësi pasi çdo hetim po bëhet në mënyrën më transparente. Ky rast është i izoluar dhe nuk ka pasur raste të tjera ku policia të tregojë forcën ndaj qytetarëve. Ne prej disa vitesh kemi punuar për të rritur besimin e publikut ndaj uniformave të policisë. Ne nuk jemi polici vrasëse pasi e kemi paguar me jetën e 240 punonjësve të saj të rënë në krye të detyrës. Rasti i fundit ishte një punonjës policie në Shkodër”, tha Albert Dervishi.
Ai thotë se institucionet e policisë janë vënë në lëvizje për të zbardhur çështjen si Prokuroria e Rrethit Gjyqësor apo Shërbimi për Çështje të Brendshme dhe Ankesat. Dervishaj thekon se policia nuk ka qenë dhe nuk do të jetë vrasëse, por në krahun e qytetarëve. Ai thekson se ky imazh i krijuar me mund, gjak e sakrificë do të kurohet.
“Ngjarja e ditës së djeshme është një rast domethënës që çdo individ çdo punonjës duhet të zbatojë ligjin dhe vetëm ligjin, jemi të vendosur që të mos ketë dyshime që do të bien në dyshim me ligjin. Policia e shtetit nuk do të lejojë që imazhi i saj i ndërtuar me mund, sakrifica e gjak të cenohet nga veprime sporadike të izoluara të individëve të veçantë në shkelje të ligjit apo procedurave standarde të saj. Kemi filluar analizat në çdo drejtori vendore të policisë në të cilat do të evidentojmë të gjitha problematikat, ku kanë transmetuar apo konstatohen defekte të punës sonë, qoftë të përzgjedhjes qoftë të kontrollit, të garantojmë një plan program specifik të kësaj situatë. Ne nuk kemi pasur më parë një rast të tillë specifik.
Është bërë e njohur se Prokuroria e Rrethit Gjyqësor dhe Shërbimi për Çështje të Brendshme dhe Ankesat kanë filluar hetimet, kanë kryer veprimet për këqyrjen e vendit të ngjarjes, është dhënë masë arresti në flagrancë të autorit dhe në ditët në vijim kjo masë do të vlerësohet. Për disa vite me radhë kam punuar dhe po punoj që të rris forcimin e besimit të publikut. Në veprimtarinë e saj policia nuk e ka në praktikë përdorimin e armës ndaj qytetarit. Policia, strukturat do të punojnë që ta kurojnë këtë imazh. Policia nuk ka qenë dhe nuk do të jetë një polici vrasëse. E ka paguar me jetën e 202 punonjësve të saj të rënë në krye të detyrës”, tha Dervishaj.