10 vite nga 21 janari/ E zbulon Balla: Ja si predha u dëmtua qëllimisht me urdhër të qeverisë Berisha

Teksa kanë kaluar 10 vjet nga ngjarja e rëndë e protestës së “21 janarit”, ku katër persona u vranë në boulevard në protest kundër qeverisë Berisha, çështja është kthyer sërish në vëmendje.

Në Open ditën e sotme në Top Channel, kreu i grupit parlamentar të PS, Taulant Balla tha se dyshimet e tij por dhe të familjarëve janë se predha ishte dëmtuar qëllimisht kur u soll nga Turqia, me urdhër të qeverisë së atëhershme.

“Ne e kemi ndjekur ketë çështje me vëmendje, kemi pasur dhe komunikime shkresore për të kërkuar informacion. Kemi dy dosje një të të vrarëve apo bashkëluftëtarëve tanë, dhe kemi një vrasje tjetër atë të Aleks Nikës që prokuroria pas disa vitesh gjoja hetim e pezulloi dhe prapë në 2020 e pezulloi për t’ja kaluar gjykatës.

Nëse doni ju citoj emër për emër ata që janë marrë me këtë dosje, ose ka dhëën dorëheqjen ose janë shkarkuar. As unë as Rama nuk ka qenë as gjyqtar dhe as prokuror.

Ajo që ne kemi bërë është që jo vetëm për këtë, por për shumë çështje që lidhen me drejtësinë është që të jetë e pavarur nga politika. Dosja e Aleks Nikës nëse kryhen hetimet me seriozitet përfshi dhe ekzaminim të predhës, që dyshimet janë e mia të familjes janë që janë dëmtuar qëllimisht kur u soll nga Turqia këtu

Në vendimin poshtërues të Gjykatës, njëri nga të vrarët është vrarë nga Ndrea Prendi, tjetri nga gardisti Llupo.

Fakti që Aleks Nikaj gjendej pranë Faik Myrtaj, janë vrarë nga e njëjta armë. Këto ishin vrasje politike,” tha Balla.