‘Është shkelur 5 qershori, zyrtarë të lartë në manipulime votash, gjyqtarë të korruptuar’, Meta shpërndan fjalën e diplomatit gjerman: Në 25 prill do i japim fund…
Diplomati gjerman Michael Gahler ka bërë një shënim në faqen e tij zyrtare, teksa i kërkon miqve europianë të Shqipërisë, që të mos shqetësohen nëse integrimi nuk është i afërt, pasi janë shumë kushte dhe detyrime që duhen plotësuar.
Sipas tij janë të qarta përfundimet përkatëse të Këshillit, dihen rekomandimet e Komisionit të Venecias, dihen teksti dhe fryma e marrëveshjes së 5 qershorit 2020 për reformën zgjedhore!
Ai thotë se 5 qershori është shkelur, ka pak përparime në kushtet që janë vendosur, ka zyrtarë të lartë të përfshirë në manipulime votash që ia kanë hedhur drejtësisë si dhe gjyqtarë të korruptuar. Shumë vërejtje, që sipas Metës do të marrin fund pas 25 prillit 2021.
Shënimi i Metës
E përshëndes vëmendjen e pandërprerë të Partive Popullore Europiane dhe thirrjet e përsëritura të miqve të sinqertë europianë, të cilët mezi presin çeljen e negociatave për Shqipërinë.
I garantoj se mbi 99% e popullit shqiptar, mezi e pret hapjen e negociatave dhe se zgjedhjet e 25 prillit 2021 do t’i japin fund injorimit të kushteve dhe plotësimit të standardeve për integrimin, duke e rivendosur vendin, plot energji të reja, drejt Bashkimit Europian.
Shënimi i Gahler
Miqve të FB të interesuar për zhvillimet në Shqipëri:
Kur bëhet fjalë për detyrimet që Shqipëria duhet të përmbushë para fillimit të negociatave të pranimit, miqtë e një Shqipërie Evropiane, nuk duhet të zhgënjehen shumë dhe për shumë kohë, kjo është qeveria!
Dihen përfundimet përkatëse të Këshillit, dihen rekomandimet e Komisionit të Venecias, dihen teksti dhe fryma e marrëveshjes së 5 qershorit 2020 për reformën zgjedhore!
Kjo e fundit është shkelur ndërsa ka pak ose aspak përparim me shumë kushte: ligji i mediave nuk është përshtatur; zyrtarët e lartë të përfshirë në manipulimin e votave kanë shmangur ndjekjen penale; zyrtarë qeveritarë dhe ish-gjyqtarë gjyqësorë të përfshirë në korrupsion gjithashtu.
Pastrimi i parave mbetet një shqetësim i pa adresuar siç tregojnë edhe skandalet e fundit. Kushtetutshmëria e zgjedhjeve lokale të vitit 2019 nuk është pastruar. Formimi i organeve të reja të gjyqësorit po përparon mjaft ngadalë.
Qeveria në Tiranë nuk duhet të provokojë miqtë e Shqipërisë Evropiane as duke mohuar këto kushte, as duke keqardhur ndihmat e BE-së dhe as duke bërë marrëveshje me shtetet e palëve të treta që shkelin ligjin e BE-së.
Këto janë çështjet që unë kam ngritur dhe do të vazhdoj të ngris për hir të futjes së vendit me besueshmëri në një udhë operacionale të pranimit