Kreu i ASH tha se Kosova nuk është Serbi, ‘tërbohet’ igumeni i manastirit të Deçanit (REPLIKAT)

Kryetari i Akademisë Serbe të Shkencave dhe Arteve, Vladimir Kostiq, deklaroi se Kosova nuk është pjesë e Serbisë dhe se peshkopët e kishës serbe duhet të heqin dorë nga parullat.

Janjiq, përmes një postimi në Facebook, e ka quajtur deklaratën e kreut të Akademisë Serbe thellësisht të papërgjegjshme dhe të dëmshme.

“Ajo [deklarata e Kostiqit] nuk është kundër një apo dy peshkopëve, por kundër qëndrimit të gjithë Kishës Ortodokse Serbe, që është unike rreth çështjes së Kosovës me shumicën e popullit tonë, dhe kështu kjo deklarate ofendon thellë reputacionin e Akademisë Serbe dhe shumë njerëzve të ndershëm”, ka shkruar kleriku Janjiq.

“Deklaratat disfatiste të Prof. Kostiq janë thellësisht të dëmshme, të pabaza dhe të lëndueshme sidomos për serbët në Kosovë. Do të ishte më mirë sikur ta kuptonte më në fund dhe nëse nuk mundet ose nuk do të na ndihmojë, të paktën do të ishte mirë të ndalonte përfundimisht të mos na dëmtojë”, ka deklaruar Janjiq.

Vladimit Kostiq, duke polemizuar me një peshkop të Kishës Serbe, i ka thënë atij se “Kosova nuk është e jona [Serbisë] dhe këtë duhet ta kuptojmë sa më parë”.