Mjekët e mirënjohur Pëllumb Pipero dhe Tritan Kalo marrin injektimin anti Covid-19

Mjeku i njohur infeksionist Pëllumb Pipero sapo ka bërë vaksinën anti Covid-19.

Pipero është personi i tretë në Shqipëri që vaksinohet nga koronavirusi, pas shefes së Infektivit Najada Çomo dhe kryeministrit Edi Rama.

Personi i katërt është mjeku Tritan Kalo që ka marrë dozën e parë anti koronavirus. Pas 21 ditësh do të merret doza e dytë dhe ajo finale e vaksinës.

Kujtojmë që dje Rama njoftoi se ditën e sotme do të fillonte vaksinimi dhe sot gjatë një konference për mediat tregoi se Çomo do të ishte personi i parë në Shqipëri që do të vaksinohej e më pas ai. Pas tij Pipero, Kalo dhe mjekët e apo infermierët e tjerë.

Kryeministri Rama nuk e tha, por u zbulua se 975 vaksinat e para kanë ardhur nga Austria dhe i përkasin kompanisë pfizer. I njejti vend do të dërgojë dhe 2000 të tjera dhuratë ndërsa në fund të muajit janar priten dhe 10.000 të tjera nga marrëveshja që shteti ynë ka bërë.