Një vit nga lajmi që tronditi botën dhe ndryshoi jetën e secilit

Një vit më parë Kina njoftoi vdekjen e parë nga Covid-19. Që nga ajo kohë, virusi ka vrarë 1,936,898 njerëz në të gjithë botën, sipas të dhënave nga Universiteti Johns Hopkins, ndërsa të infektuarit mbi 90 milionë e 400 mijë.

Më 11 janar 2020, vdekja u njoftua në lidhje me rastet e pneumonisë virale të regjistruara në fillim dhjetorit nga shpërthimi i identifikuar në Wuhan, Hubei.

Televizioni shtetëror CCTV pas rezultateve të analizave të shkencëtarëve kinezë, arrit në përfundimin se shkaku i pneumonisë virale i atribuohej paraprakisht një lloji të ri të koronavirusit nga e njëjta familje si Sars.

Aktualisht në Kinë janë regjistruar 4792 viktima dhe 96 824 raste pozitive që nga fillimi i pandemisë, sipas të dhënave nga Universiteti Johns Hopkins.

Prej asaj dite, bota ka ndryshuar rrënjësisht.