“Thonë se jam injektuar me ujë biologjik”, Rama i gatshëm të hedhë poshtë teoritë konspirative: Kur të bëj dozën e dytë do bëj…

Kryeministri Edi Rama është shprehur i gatshëm të hedhë poshtë disa teori konspirative, të cilat thonë se ai është injektuar me ujë biologjik dhe jo me vaksinën e Pfizer.

Ai u shpreh se është i gatshëm që sapo të marrë dozën e dytë të vaksinës, të bëjë transparente edhe nivelin e antitrupave që ka marrë nga vaksina.

“Në momentin kur pjesa që ka bërë vaksi9nën do të duhet të rikthehet për dozën tjetër, cildo që ëhstë i gatshëm, unë po, të bëjë një transparencë mbi antitrupat që vaksina është marrë dhe vaksina ka bërë të gjithë efektin e parashikuar. Ka pasur edhe analistë dhe opinionistë të rangut të lartë që kanë hedhur idenë se unë jam injektuar me ujë biologjik. Ky është një nivel analize shumë i lartë për ne njerëzit e zakonshëm, por duhet t’u jepet mundësia atyre që e ndjekin këtë nivel të lartë analize të njihen me faktet”, tha Rama ndër të tjera.