Kosnett pas takimit me Albin Kurtin: Të formohet sa më parë qeveria e re

Ambasadori i Shteteve të Bashkuara të Amerikës në Kosovë, Philip Kosnett pas takimit me liderin e Lëvizjes Vetëvendosje, Albin Kurti ka bërë thirrje që partitë të punojnë shpejt për formimin e qeverisë.

“I lumtur që u takova me Albin Kurtin për ta uruar Lëvizjen Vetëvendosje në fitoren e tyre dhe për të diskutuar rrugën e Kosovës përpara. Ne u bëjmë thirrje partive që të punojnë shpejt në formimin e qeverisë dhe Kuvendit për t’u shërbyer të gjithë qytetarëve dhe adresojnë sfidat e ngutshme”, ka thënë Kosnett.

Të dielën në Kosovë janë mbajtur zgjedhje e parakohshme parlamentare, në këto zgjedhje sipas rezultateve preliminare, partia e Kurti doli e para me 47,85 për qind të votave.

Pleased to meet with @albinkurti to congratulate @LVetevendosje on its victory and discuss #Kosovo’s path forward. We urge parties to work quickly to establish a government and Assembly to serve all citizens and address pressing challenges.

— Ambassador Philip S. Kosnett (@USAmbKosovo) February 16, 2021