Përçahet koalicioni i opozitës, Nard Nodka nuk firmos marrëveshjen me Bashën

Koalicioni opozitar finalizoi këtë të mërkurë marrëveshjen me të cilën do të regjistrohet në zgjedhje, por duket se Nard Ndoka do mbetet jashtë.

“Partia Demokratike – Aleanca për ndryshim” është emri që PD dhe aleatët e saj kanë zgjedhur për të garuar më 25 prill.

Sipas informacioneve Nard Ndoka, kryetari i Partisë Demokristiane, nuk e ka firmosur marrëveshjen e nënshkruar nga Fatmir Mediu, Dashamir Shehi, Shpëtim Idrizi, Vangjel Dule, Bamir Topi e të tjerë.

“Nuk besoj se do të firmos”, ka thënë ai, ndërsa mësohet se është i pakënaqur me Bashën.

Partitë e Koalicionit “Partia Demokratike – Aleanca per Ndryshim”, pritet të jenë:

PARTIA DEMOKRATIKE – Kryetari, Lulzim BASHA

PARTIA REPUBLIKANE – Kryetari, Fatmir MEDIU

PARTIA PËR DREJTËSI INTEGRIM DHE UNITET – Kryetari, Shpëtim IDRIZI

PARTIA LËVIZJA PËR ZHVILLIM KOMBËTAR – Kryetari, Dashamir SHEHI

PARTIA BASHKIMI PËR TË DREJTAT E NJERIUT – Kryetari, Vangjel DULE

PARTIA AGRARE AMBIENTALISTE – Kryetari, Agron DUKA

PARTIA DEMOKRISTIANE – Kryetari, Nard Ndoka

PARTIA FRYMA E RE DEMOKRATIKE – Kryetari, Bamir TOPI

PARTIA BASHKIMI LIBERAL DEMOKRAT – Kryetari, Arian STAROVA

PARTIA BALLI KOMBËTAR DEMOKRAT – Kryetari, Artur ROSHI

PARTIA BASHKIMI DEMOKRAT – Kryetari, Ylber VALTERI

PARTIA MENDIMI DJATHTË LIBERAL – Kryetari, Mustafa LICI

PARTIA LËVIZJA E LEGALITETIT – Kryetari, Shpëtim Axhami

PARTIA KRISTIAN DEMOKRATE – Kryetari, Dhimitër Muslia”