Peshkopi ortodoks në Argjentinë thyen rrjetin me flamurin shqiptar
Kryepeshkopi ortodoks me origjinë arbëreshe Alejandro Greco ka goditur rrjetet me një foto të tij të postuar në rrjetet sociale me flamurin shqiptar.
Greco që është me origjinë arbëresh nga Kalabria është një famulltar në kryeqytetin e Argjentinës Buenos Aries. Në faqen e tij të Facebook, Greco shkruan se është Kryepeshkopi i Shqiptarisë.
Në një nga postimet e fundit, peshkopi ka publikuar këtë foton, e cila ka pasur një shikueshmëri dhe komente të shumta.
Hirësia shkruan në gjuhën shqipe mjaft mirë dhe kujtohet herë pas here për ngjarjet më të rëndësishme kombëtare. Përkujtimi më i fundit që është kryer në Argjentinë nga Kisha Ortodokse shqiptare atje është përvjetori i patriotit Mihal Grameno.
“Motra e Vëllezër Shqiptarët i dashur, të gjithë Shqiptarët i nderuar që ja duan të mirën Atëdheut, të gjithë pa përjashtim: Sot Përkujtojmë Përvjetori i 90°, më 5 Shkurt 1931, ndërroi jetë në Korçë, Publicisti, Shkrimtari, Atdhetarin dhe Heroit tonë, Luftëtari i Shquar Kombëtar, Mihal Ilia Grameno i madh: Lavdi e Përjetshme e Shume Respekt për Patriotin Mihal Grameno, Herojit i Pavdekshem dhe Trim mbi Trima te Kombit tonë Shqipetar, që ka lanë Gjurmë Historike në të mire të Kombit Shqiptar, u kujtofsh brez pas brezi!!!”, shkruan peshkopi Greco./ Gazeta Shqip
