Shtimi i rasteve të reja me COVID, mjeku Sallabanda: Shqipëria duhet të ndjekë modelin e Spanjës, qytetet me shumë infektime…

Mjeku shqiptar në Spanjë, Kita Sallabanda, u shpreh se Shqipëria duhet të ndjekë modelin e Spanjës për të ulur numrin e infektimeve.

Ai u shpreh në Report Tv se kontrolli i rasteve duhet të bëhet me izolimin selektiv të qyteteve që kanë më shumë raste, në të cilat nuk duhet të lejohen hyrje-daljet e qytetarëve.

“Ne kemi bërë izolimi selektiv në Spanjë dhe nuk mund të udhëtojmë midis qyteteve që kanë më shumë të sëmurë dhe atyre që kanë më pak. Ne nuk lejojmë komunikimin mes zonave. Edhe në Shqipëri prandaj ka kaq shumë përhapje pasi nuk është bërë izolimi selektiv i qyteteve të ndryshme. Ne nuk leme me shumë 4 persona bashkë dhe ka filluar edhe vaksinimi masiv i popullatës që do na ndihmojnë të dalim nga kjo gjendje. Përballimi i COVID është ndërgjegjësim i gjithë shoqërisë, jo vetëm pune e sistemit shëndetësor’, tha mjeku Sallabanda.