Teksasi pa energji elektrike, shqiptarët në SHBA shpërndajnë mbi 500 vakte ushqimore për t’i ardhur në ndihmë komunitetit

Pronarët shqiptarë të një restoranti në Teksas të SHBA kanë shpërndarë mbi 500 vakte ushqimore për banorët vendas, të cilët po përballen me mungesën e energjisë elektrike prej ditësh.

Moti i ftohtë dhe mungesa e energjisë i ka lënë banorët e Teksasit të izoluar në shtëpitë e tyre, ndaj Ari dhe Blinera Isufaj, së bashku me 5 punëtorët e restorantit vendosën t’i vijnë në ndihmë komunitetit duke shpërndarë vakte ushqimore.

“Mora shumë fotografi nga banorët, të cilët thoshin se kishin tre ditë që po hanin ushqime të ftohta”, tha Ari Isufaj për median vendase.