“Ngrini zërin, mos thoni jemi heroina dhe të ulni kokën”, Ines Leskaj ka një thirrje për gratë

Ditën e sotme është bërë një aktivitet në lidhje me 8 Marsin. Aktiviteti u organizua me pak pjesëmarrës, pasi duhej që të respektoheshin masat mbrojtëse që janë marrë për shkak të Covid-19.

Drejtoresha e rrjetit të Fuqizimit të Gruas, Ines Leskaj, ishte në një lidhje të drejtpërdrejtë me emisionin “Shqipëria Live”, ku u bëri një thirrje të gjitha vajzave dhe grave.

Ajo i tha që të “ngrenë zërin e të mos thonë unë jam heroinë dhe të ulin kokën”. Sipas saj, duhet të shmanget fjala “heroinë”. Ines vijoi duke thënë se gjatë kohës së pandemisë së koronavirusit, numri i raportimeve për dhunë  është rritur ndjeshëm.

“Covid-19 ka nxjerrë në pah se pesha e riprodhimit shoqëror, ku përfshihen të gjitha aktivitetet që prodhojnë dhe përkujdesen për jetën, vazhdojnë të rëndojnë mbi supet e grave. Puna e papaguar: pastrimi, gatimi, kujdesi për fëmijët, të moshuarit dhe të sëmurët konsiderohet ‘përgjegjësi’ e ‘natyrshme’ e grave në sferën private”, u theksua në këtë aktivitet.