“Shëndeti nuk ka të majtë apo të djathtë”, pasi mori vaksinën kineze, Luftar Paja u bën thirrje skeptikëve: Mos u ndikoni nga propaganda e keqe

Aktori i njohur, Luftar Paja ka treguar se nuk ka pasur asnjë efekt anësor pasi ka marrë dozën e parë të vaksinës kinzeze ‘Sinovac’.
Paja u ka bërë thirrje të gjithë qytetarëve që të marrën vaksinën dhe mos ndikohen nga propaganda.
“E kam bërë vaksinën në datën 28. Jam shkëlqyeshëm, jo mirë, por shkëlqyeshëm. Nuk kam pasur asnjë problem. Do të shkoj të bëj vaksinën në fillim, që të jem i sigurt dhe t’u them atyre që votojnë, shkoni bëni vaksinën. I them skeptikëve, mos hezitoni se shëndeti nuk ka të majtë e të djathtë, popullsia duhet të vaksinohet. Dua që gojët e liga të mos merren me propagandën e keqe për shëndetin. Shëndeti nuk do t’ia dijë je i majtë apo i djathtë”- u shpreh Paja për “Shqipëria Live”
Aktori ka marrë dozën e parë të vaksinën kundër covid-19 para tre ditësh në stendën e ngritur te sheshi “Skëndërbej”.