‘Shqipëria nuk ka një MIK më të fortë sesa SHBA’, reagimi i plotë i zëdhënësit të Departamentit të shtetit

Në 15 mars 1991, SHBA dhe Shqipëria, rivendosën marrëdhëniet diplomatike.

Zëdhënësi Ned Price ka shpërndarë një video ku thotë se në 30 vjetorin e lidhjes së marrëdhënieve diplomatike mes SHBA-së dhe Shqipërisë shpreson që së bashku të shkojmë përpara.

Këtë mesazh nga Uashingtoni e ka shpërndarë edhe ambasadorja e SHBA-së në Tiranë, Yuri Kim.

“Sot ne shënojmë 30 vjetorin e rivendosjes së lidhjeve diplomatike SHBA-Shqipëri. Ne festojmë zgjedhjen strategjike të popullit shqiptar për të përqafuar demokracinë dhe partneritetin e fortë që kemi ndërtuar. Ne shpresojmë se çfarë mund të arrijmë së bashku duke shkuar përpara”,- thuhet në mesazhin e përcjellë.

Mesazhi i plotë:

Në 15 mars 1991, SHBA dhe Shqipëria, rivendosën marrëdhëniet diplomatike. Sot ne festojmë këtë ditë dhe zgjedhjen strategjike të qytetarëve shqiptare për të përqafuar demokracinë dhe bashkimin me komunitetin Euro-Atlantik. Kemi shumë për të festuar.

Gjatë 30 viteve të fundit, Shqipëria dhe SHBA kanë ndërtuar një partneritet të fortë bazuar në vlerat e njëjta, qëllimeve të përbashkëta dhe lidhjesh njerëzore.

Shqipëria është një aleate e palëkundur e NATO-s. I jemi mirënjohës Shqipërisë për lidershipin e saj dhe rolin e vet në promovimin e sigurisë rajonale dhe botërore nëpërmjet kontributit si anëtare e NATO-s.

Do të vazhdojmë së bashku progresin përmes vizionit të përbashkët dhe rritjes së marrëdhënies vitale bilaterale.

Shqipëria nuk ka një aleat më të madh, një partner apo mik, më shumë sesa Shtetet e Bashkuara të Amerikës. Presim të shohim se ç’mund të arrijmë së bashku për rreth 30 vitet e ardhshme.

Back to top button
LAJMET E FUNDIT