VIDEO/ “Përplasje” në konferencë, Bajram Shala detyron gazetarin spanjoll të përmendë Kosovën

Kosova do të luajë mbrëmjen e së mërkurës ndaj Spanjës, një sfidë tejet e vështirë për dardanët, e cila duket se ka “nisur” që në konferencën për shtyp të trajnerit Challandes rreth 24 orë para takimit.

Debati ka ndodhur mes gazetarit të As, Ruben Ares dhe menaxheri i përfaqësueses së Kosovës, Bajram Shala, i cili insiston ndaj gazetarit që të përmendë Kosovën teksa i bën pyetje trajnerit Bernard Challandes.

“Nuk e di si e shikoni Spanjës pas këtyre dy ndeshjeve. A mendoni se Luis Enrique do të bëjë shumë ndryshime kundër Kosovës?”, ishte pyetja e gazetarit spanjoll. Menaxheri i përfaqësueses së Kosovës, Bajram Shala, i cili ishte krah teknikut zviceran, iu drejtua gazetarit më pas me “Pyetja i drejtohet kujt” dhe merr përgjigjen “trajnerit”.

Shala vijoi edhe më tej: “Trajneri i kujt… Sepse ne nuk e kemi parë emrin e përfaqësueses tonë në median tuaj. Duhet të jetë e qartë se ndaj kujt trajneri është pyetja, nuk e kemi parë emrin e Kosovës në gazetën tuaj”. “Trajnerit të Kosovës”, tha Ruben Ares, i cili mori edhe përgjigjen “Tani ai do të përgjigjet”.

Challandes më pas u shpreh: “Unë nuk flas për trajnerin e Spanjës, pasi është shumë i famshëm dhe mund të vendosë qartësisht. I kam parë në ndeshjet me Gjeorgjinë dhe Greqisë dhe nuk ka marrë rezultate të mëdha”.

???? | SHALA V @English_AS

Kosovo’s Bajram Shala was very stubborn in his attempt to get the AS journalist to refer to our NT as Kosovo.

AS has previously referred to Kosovo as a territory rather than a country & is amongst the countries that do not recognise Kosovo.

???? pic.twitter.com/ADOggGOUkM

— Kosovans Abroad (@KosovansAbroad) March 30, 2021