Albin Kurti voton në njësinë numër 5 në Tiranë: Uroj ditë të bukura dhe mbarësi për Shqipërinë

Kryeministri i Kosovës, Albin Kurti, ka votuar sot në njësinë numër 5 në Tiranë. Në një prononcim për mediat, Kurti u shpreh se moti është i mirë dhe kështu do të jetë deri në mbrëmje.

“Uroj sa më shumë ditë të bukura dhe mbarësi për Shqipërinë dhe për secilin njeri ashtu si unë e ka pasaportën shqiptare. Faleminderit dhe suksese”, tha kryetari i Lëvizjes Vetëvendosja.

Kujtojmë se Kurti ka tre kandidatë të pavarur në këto zgjedhje parlamentare, Kreshnik Mergjani, Bojken Abazi dhe Iliaz Shehu, përkatësisht në Gjirokastër, Tiranë dhe Lezhë.