Basha s’i ndahet gafave, nuk di sa njësi dhe lagje ka Tirana edhe pse ka qenë ish-kryebashkiak i qytetit! Sqaron selia blu: Ishte lapsus, e kishim fjalën për degën 16 të PD
Edhe pse ka qenë kryetar i Bashkisë së Tiranës për 4 vjet dhe sot po kërkon votat e qytetarëve të saj, Lulzim Basha tregoi sot se nuk ka informacion përtej zyrës së tij. Njoftimi i dërguar nga zyra për mediat e Partisë Demokratike, thotë se Lulzim Basha ka qenë sot në Njësinë 16 në Astir, në një takim me banorët.
Por, në fakt Lulzim Basha nuk e di që zona e Astirit është Lagjja 14 dhe se Tirana nuk ka as Lagje 16 as Njësi 16. Njësia 16 nuk ekziston, përveçse në mendjen e kreut të PD.
Gafat e Lulzim Bashës në komunikimet e tij publike kanë pushtuar rrjetet sociale dhe janë ‘ushqim’ për meme.
Njoftimi i PD-së
“Sqarim: Te njoftimi për takimin me të rinjtë në zonën e Unazës së re, në njoftimin për shtyp ka pasur një lapsus. Fjala është për të rinjtë e degës 16 të PD dhe jo njësisë 16-të”, shkruan zyra e shtypit e PD-së.