Frrok Çupi: Ilir Meta duhet shkarkuar, ja si po bën fushatë duke goditur kryeministrin

Analisti Frrok Çupi ka komentuar fushatën elektorale në Shqipëri para zgjedhjeve të 25 prillit.

Ai është ndalur te presidenti Ilir Meta, për të cilin thotë se duhet shkarkuar, pasi po bën fushatë të drejtpërdrejtë duke goditur kryeministrin.

“Presidenti po bën fushatë të drejtëpërdrejtë, duke goditur kryeministrin që në fakt kërkon ta ulë në tavolinë për ti kërkuar diçka. Meta po luan si opozitar, ne jemi pa president dhe bën fushatë për partinë e tij, në një shtet të konsoliduar prej kohësh, presidenti duhet shkarkuar pasi ka humbur çdo gjë”, u shpreh Çupi në Report Tv.

Përs i përket fletës së votimit që vendosi Kolegji Zgjedhor, Çupi tha se është më mirë me numra, pasi votuesi është i ndërgjegjshëm se çfarë numri ka kandidati dhe partia që preferon.

“E pa printueshme me gjithë emrat e kandidatëve dhe një rëndesi psikologjike për votuesin, çdo votues është i ndërgjegjshëm se çfarë numri ka kandidati dhe partia që preferon”, u shpreh analisti.