“Kapni sfurqet”, Yuri Kim reagon ashpër ndaj presidentit Ilir Meta: STOP! Këto kërcënime meritojnë dënim

Ambasadorja amerikane, Yuri Kim ka dënuar thirrjet e forta që qytetarët të kapin armët e ftohta në zgjedhjet e 25 prillit. Duke përmendur sfurqet e artikuluara nga presidenti Ilir Meta, Kim thotë se këto thirrje duhen dënuar.

Edhe pse nuk e përmend kreun e shtetit, mesazhi është drejtpërdrejtë për Ilir Metën, pasi ka deklaruar disa herë se “qytetarët do marrin sfurqet, nëse preket vota”.

“Është e papranueshme për këdo që të kërcënojë se qytetarët do të marrin “sfurqet” në 25 Prill ose nëse nuk u pëlqen rezultati i zgjedhjeve. Këto kërcënime meritojnë dënim. Ata që nxisin dhunë do të mbajnë përgjegjësi për rezultatet e fjalëve dhe veprimeve të tyre. Ndal.” shkruan Kim.

It is unacceptable for anyone to threaten that citizens will take up “pitchforks” on April 25 or if they don’t like the result of elections. These threats deserve condemnation. Those who incite violence will be held responsible for the results of their words and actions. Stop.

— Ambassador Yuri Kim (@USAmbAlbania) April 23, 2021