Situata në spitalet covid, rritet numri i personave të intubuar dhe në terapi intensive

TIRANË – 6 persona kanë humbur jetën nga koronavirusi në Shqipëri në 24 orët e fundit, ndërsa janë konfirmuar 336 raste të reja.

Numri i të shtruarve në spital ka rënë me tre persona, por ka një rritje të ndjeshme të numrit të të intubuarve . Dje kishim vetëm dy të intubuar, ndërsa aktualisht numri i tyre ka shkuar në 7. Edhe numri i pacientëve në terapi intensive është rritur me 3, krahasur me dje.

“Aktualisht në spitalet COVID në Tiranë dhe tre spitalet rajonale po trajtohen 276 pacientë, 12 në terapi intensive, nga të cilët 7 pacientë janë të intubuar.“, njofton ministria.

Të shëruar

Në 24 orët e fundit janë shëruar 625 qytetarë, duke e çuar numrin e të shëruarve në 92,500 që nga fillimi i epidemisë.

Apeli

Ministria e Shëndetësisë dhe Mbrojtjes Sociale ju bën apel të gjithë qytetarëve të mos e ulin vigjilencën dhe të vijojnë të zbatojnë rregullat për parandalimin e COVID19: Vendosni maskën mbrojtëse në çdo ambient jashtë shtëpisë, shmangni grumbullimet, ruani distancimin fizik; kujdesuni për higjienën vetjake dhe vetëizolohuni kur dyshoni se jeni të prekur nga COVID19.

Statistika (2 Prill 2021)

Raste të reja ditore        336

Të shëruar në 24 orë     625

Të shtruar në spitale      276

Humbje jete në 24 orë    6

Testime ditore                2865

Testime totale            564,565

Raste pozitive             125,842

Raste të shëruara         92,500

Raste Aktive                31,095

Humbje jete                  2247

Shpërndarja gjeografike e rasteve aktive sipas qarqeve:

Tiranë                    21739

Fier                       2549

Durrës                   1269

Gjirokastër             1253

Shkodër                1186

Vlorë                     949

Korçë                    769

Elbasan                 347

Lezhë                    294

Kukës                    360

Dibër                     326

Berat                     54

Gazeta SHQIP