Zyrtare! Celibashi rrëzon PS-në, miratohet fleta e votimit me emra për zgjedhjet e 25 prillit
Komisioni Qendror i Zgjedhjeve ka miratuar fletën e votimit me emra për 12 qarqet e vendit. Sipas këtij versioni, kandidatët për zgjedhjet e parlamentare të 25 prillit do të paraqiten me emrat e tyre dhe jo me numra.
Vendimi është marrë nga Komisionieri Ilirjan Celibashi, i cili rrëzoi kështu kërkesën e PS, që kërkonte që fleta e votimit të ishte me numra.
‘Në vlerësim të asaj që është parashtruar vendos rrëzimin e kërkesës së PS për shqyrtimin e fletës së votimit.
Kundër këtij vendimi mund të behët ankim brenda tre ditëve në KAS.’- tha Celibashi.
Madhësia e fletës nuk ndryshon, nga qarku në qark, 30×60, por madhësia e shkrimit ndryshon nga një qark në tjetrin për shkak të numrit të kandidatëve. Emrat në Tiranë, janë me gërma më të vogla për shkak se janë 36 kandidatë.
