“Apeli i kryeministrit ende nuk ka mbërritur në Himarë”, qytetari denoncon: Ndërtojnë pa ju hyrë gjemb në këmbë

Një qytetar ka denoncuar ndërtimet pa leje në Gjirin e Famshëm të Llamanit në Himarë.
Sipas tij, prej disa muajsh në këtë vend disa tepelenas kanë blerë truall dhe po ndërtojnë 30-50 metra larg dallgës së Jonit.
Pavarësisht se kanë bërë denoncime të vazhdueshme askush nuk ka shkuar për t’i ndaluar.
Si duket apeli i kryeministrit Edi Rama dhe kërcënimi i ministrit Bledi Çuçi akoma nuk ka arritur në Himarë.
Denoncimi i plotë:
Ky është gjiri i famshëm i Llamanit, në Himarë. Prej disa muajsh në këtë vend vazhdojnë ndërtimet nga tepelenas që kanë blerë truall. Ndërtojnë pa ju hyrë gjemb në këmbë. Nën hundën e policisë dhe me mirëdijen e gjithë strukturave të shtetit.
As polici, as prokurori dhe as inspektoriat nuk i ndalon. Aty, jo më shumë se 30-50 metra larg dallgës së Jonit po hidhet beton dhe hekur. Askush nuk i ndalon edhe pse qytetarë të shumtë himariotë shpesh përcjellin foto dhe video nga ndërtimi i paligjshëm.
Në telefonat e drejtuesve të shtetit herë pas here ka denoncim për të njëjtin ndërtim të paligjshëm. Megjithatë askush nuk ndalet! Apeli i kryeministrit dhe kërcenimi i ministrit te Brendshëm Çuçi ende nuk ka mbërritur tek brigjet e Himarës. Le ët shohim paskësaj!
Edhe pse ndaj ndërtuesit të paligjshëm ka masë sigurie dhe paralajmerime për pezullim të ndërtimit të paligjshëm, përsëri nuk ka ndalesë.

