Arkeologia e njohur: Pse mor Zot, janë lëshuar të gjithë gjoja bëjnë emisione për trashëgiminë në Shqipëri, njëri më lemeri se tjetri!?

Arkeologia e njohur Etleva Nallbani kritikon kolegët dhe drejtuesit e emisioneve, që sipas saj kanë nisur të bëjnë emisione për trashëgiminë në Shqipëri. “Njëri është më lemeri se tjetri”, shkruan ajo.

Ky reagim i saj vjen pas një dokumentari që ka parë në “Fance 5” për zbulimet në Trojë dhe ka mbetur e mahnitur nga profesionalizm i lartë i realizimit të tij.

“Ndoqa mbreme tek France5, nje dokumentar per zbulimet ne Troje. Kisha kohe pa u kenaqur ne kete mase, me gazetarine profesionale ne arkeologji. Si perfundim vetem kerkimet afatgjata te brezave te tere arkeologesh, me ekipe shumedisiplinashe, e me bashkepunime nderuniversitare, me financime te panderprera, e me profesionalizem serioz divulgativ, bejne historine!

Kam gjith diten qe me kalon ne mendje, siç pushtohesh nga nje film i rralle qe sapo ke pare. Tani ta zgerlaq nje çik muhabetin. Pse mor zot, jane leshuar te gjithe tu be gjoja emisione per trashegimine ne Shqiperi, ku njeri eshte me lemeri se tjetri”, shkruan Nallbani.