Berisha “non-grata”, keshilltari i Bashës i bën Yuri Kimit komentet e ashpra në Twitter (FOTO)

Martin Henze, një nga zyrtarët gjermanë më pranë Bashës, ka reaguar në një mënyrë që nuk pritej, lidhur me vendimin e DASH për të shpallur “non-grata” ish-kryeministrin Sali Berisha.

Reagimin ai ka menduar ta ta bëjë këtë në Twitter-in e ambasadores amerikane në Tiranë, Yuri Kim.

Ai shkruan poshtë postimit të Kim, se ndërsa në Shqipëri ka një regjim kleptokratik, që ka bërë të mundur mosfunksionimin e ligjit e është përgjegjës për pastrimin e parave e shumë gjëra të tjera, SHBA vendosin të ripunojnë raste mbi 10 vjet të vjetra ndërkohë që qeveria kriminale nuk preket.

“Është e mahnitshme, në Shqipëri ekziston qeveria kleptokratike Rama, i cili ka çuar në mosfunksionimin e sundimit të ligjit, i cili organizon një nga qeveritë më të korruptuar, në të gjithë botën, i cili është politikisht përgjegjës për rritjen e pastrimit të parave, trafikut të drogës, manipulimit të zgjedhjeve”.

“Shtetet e Bashkuara nuk kanë asgjë për të bërë, po rihapin raste të vjetra që janë mbi 10 vjet të vjetra dhe të parashkruara ndërsa kriminelët e vërtetë në ekzekutiv nuk preken. Pyetja është pse tani, në një kohë kur manipulimet masive në zgjedhje nga autokrati po ekspozohen. SHBA një mbështetës i kleptokracisë”, shkruan Henze në dy komente poshtë shënimit të Yuri Kim”.