Detaje të reja nga tragjedia e familjes Haliti, mblodhën kërpudha në Gjirin e Lalëzit dhe më pas pyetën fqinjët sesi t’i gatuanin; kaluan 5 orë të sëmurë në banesë

Detaje të reja kanë dalë nga tragjedia e familjes Haliti nga Gjilani, ku tre anëtarë të kësaj familje, Elfetja, Afrimi dhe Ferzinaze humbën jetën si pasojë e konsumimit të kërpudhave të helmuara.

Bëhet me dije se familja Haliti, disa kohë më parë kishin blerë një shtëpi në Gjirin e Lalëzit dhe se aty vinin nga Kosova për të kaluar pushime.

Mësohet se familja Haliti kishte dalë dhe kishte mbledhur kërpudha, dhe më pas kishin pyetur fqinjët se si duhet t’i gatuanin kërpudhat e egra.

Disa orë më pas famlijarët kanë filluar të ndihen keq. Burime për media bëjnë me dijes e pas 5 orësh që kaluan në shtëpi të sëmurë kianë shkaur të marrin shëbim ambulant aty pranë, janë kthyer në shtëpi dhe më pas kanë shkuar në spitalin e Durrësit, ku ky i fundit i ka nisur me urgjencë për në spital, për mjekim më të specializuar.

E para ka ndërruar jetë nëna e familjes Haliti, ndërsa më pas djali dhe në fund nusja e tij. Policia ka nisur hetimet dhe ka proceduar penalisht dy mjekë nga Durrësi për “mjekim të pakujdesshëm”.

“Specialistët për Hetimin e Krimeve në Stacionin e Policisë Manëz, kanë proceduar penalisht për veprën penale ‘Mjekim i pakujdesshëm’, shtetasit Sh. B., 54 vjeç  dhe J. K., 60 vjeç, banues në Durrës, me detyrë mjek në qendrën shëndetësore Manëz, pasi si pasojë e përkeqësimit të shëndetit kanë ndërruar jetë shtetasit kosovarë E. H., 78 vjeçe, A. H., 56 vjeç dhe F. H., 57 vjeçe ( familjarë), të cilët nga hetimet paraprake dyshohet se këta shtetas kanë mbledhur kërpudha dhe pasi i kanë konsumuar në banesën e tyre në Gjirin e Lalzit janë helmuar”, njoftoi policia.

Kryetari i Komunës së Gjilanit, Lutfi Haziri ka shprehur ngushëllimet e tij familjes Haliti si dhe bëri apeli që të zbardhet rasti sa më parë nga autoritetet e Republikës së Shqipërisë.