“Rezultati i zgjedhjeve nuk ndryshon”, Agron Shehaj: Do futemi në Parlament, PD-së i duhet një opozitë si ajo që do bëj unë

Kandidati për kryetar të Partisë Demokratike, Agron Shehaj, ka deklaruar mbrëmjen e sotme se PD do të futet në Parlament në shtator, teksa tha se beson që rezultati i zgjedhjeve nuk do të ndryshojë pavarësisht ankimimeve të Partisë Demokratike.

Shehaj u shpreh në Syri Tv se PD-së i duhet një opozitë si ajo që do bëjë ai, duke e hapur partinë dhe duke ia lënë në dorë anëtarësisë marrjen e vendimeve.

“Ne i humbëm zgjedhjet, duam apo s’duam duhet t’i njohim. Nuk ndryshon më rezultati. Hapat do ndiqen të gjitha por hapat për ndryshimin e rezultatit janë pothuajse zero. Ne do futemi në Parlament sepse e bëmë një herë gabimin që nuk u futëm.

PD-së i duhet një opozitë si ajo që mund të bëj unë, ta bëjmë PD-në një parti modern që afrojmë persona të aftë. Një Parti Demokratike ku vendosin anëtarët dhe jo një njeri i vetëm, ku listën e akndidatëve e vendos anëtarësia”, tha Shehaj.