Të ulur në një tavolinë/ Vuçiç flet pas sherrit me Osmanin: Kufijtë e Ballkanit i vendos…

Takimi i parë plenar i liderëve të vendeve të Ballkanit Perëndimor brenda procesit Brdo-Brioni u mbajt në qendrën e Samitit, dhe sipas njoftimeve të mëparshme, liderët diskutuan, ndër të tjera, përfundime të përbashkëta, ndoshta dhe për një deklaratë, mbi pandryshueshmërinë e kufijve në Ballkanin Perëndimor.

Presidenti i Serbisë deklaroi se përfundimi është se i gjithë rajoni është në rrugën evropiane dhe se ata do të punojnë së bashku. Ai për mediat serbe ka sqaruar dhe përplasjet me presidentet e Kosovës, Vjosa Osmani.

“Sa i përket Serbisë, ne kemi pranuar përfundimet e propozuara. Ajo që është më e rëndësishmja për ju dhe për të cilën ekziston një konsensus është se i gjithë rajoni është në rrugën evropiane. Ne gjithashtu mbështetëm synimet për të hapur një datë për negociata … Kishte shumë gjëra për të cilat nuk ranë dakord dhe një nga çështjet kryesore është çështja e ndryshimit të kufijve. Serbia gjithmonë ka mbështetur parimin e respektit për të mos ndryshuar kufijtë. OKB është i vetmi organ në botë për të cilin mund të biem dakord. Iniciativa jonë nuk u pranua, por ne jemi të kënaqur me pjesën tjetër të tekstit. Të tjerët kërkuan shumë më tepër. Ne patëm një takim të mirë dhe të mirë me shumë vërejtje, dublikata, por tashmë jemi mësuar me këtë – tha presidenti.

Më tej ai theksoi se “Unë thjeshtë vendosa kundërshtimin i ndryshimit të kufijve të jetë në përputhje me Kartën e OKB-së. Shqiptarët nuk donin në asnjë mënyrë të flisnin për OKB-në, e të flasim ndryshe për këtë është plotësisht e pamundur”

Sa i përket vazhdimit të dialogut Kosovë – Serbi, Vuçiç tha se duhet vullnet për kompromis.

“Nëse vini e thoni: duhet të jetë si themi, atëherë nuk mundet ashtu. Duhet të bisedohet, jo të urdhërohet”, tha Vuçiç para mediave.

Ndërsa ai ka qenë i ulur në një tavolinë me presidenten e Kosovës ku kanë diskutuar për bashkëpunimin rajonal.