Fake News / Mirush Kabashi raportohet si i vdekur

Në një pjesë të mirë të mediave në Kosovë u raportua dhe më pas u përhap me shpejtësi lajmi i vdekjes së artistit, Mirush Kabashi.

Lajmi rezultoi i rremë, pasi nga kontaktet e vendosura më vonë me vetë aktorin ai jo vetëm që është gjallë, por gëzon shëndet të plotë.

I gjithë lajmi i rremë besohet se ka marrë shkas nga keqinterpretimi i një postimi të vetë Mirush Kabashit pas ndërrimit të jetës së aktorit e regjisorit, Pirro Mani.

Kabashi ka sqaruar se ky status është keqinterpretuar nga një mësuese nga Shkodra, postimi i së cilës më pas ka marrë dhenë.