Klosi paralajmëron pronarët e bizneseve: Nëse mbytet një pushues, do të ndiqeni penalisht

Ministri i Turizmit dhe Mjedisit, Blendi Klosi, ka paralajmëruar sot të gjithë bizneset që nuk garantojnë roje bregdetare, se do të ndiqen penalisht në rast se mbytet një pushues.

Këtë deklaratë Klosi e bëri gjatë vizitës ditën e sotme nga qyteti i Sarandës.

“Të mos ketë pandëshkueshmëri, dhe natyrisht të ketë menjërëherë reagim nga forcat e rendit”, u shpreh Klosi.

Ndërsa, lidhur me kufizimet për kufijtë mes Shqipërisë dhe Greqisë për shkak të masave ndaj Covid-19, ministri siguroi se nuk do të ketë vonesa në qarkullim.

“Jam takuar personalisht me ministrin e turizmit të Greqisë, dy herë. Greqia ishte nga të parat që e hapi kufirin me Shqipërinë për të lejuar pushuesit të vijnë në Shqipëri. Shpresoj që edhe situata e Korfuzit të zgjidhet shumë shpejt”, tha Klosi.