Shifrat/ Për herë të parë nuk është Tirana, ja qarku me më shumë raste aktive me koronavirus

Ministria e Shëndetësisë ka bërë të ditur se në 24 orët e fundit nuk ka ndërruar jetë asnjë person i infektuar me koronavirus. Ndërkohë, nga 2872 teste të kryera, 13 persona kanë rezultuar pozitive.

Në gjithë vendin janë 209 raste aktive me koronavirus. Qarku me më shumë të infektuar, për herë të parë nuk është Tirana, po Shkodra, me 54 raste aktive. Në kryeqytet janë 48 raste aktive, për të vijuar me Beratin me 33 raste dhe Lezhën me 17 raste. Të gjitha qarqet e tjera kanë më pak se 17 raste. Dibra dhe Kukësi janë qarqet me situatën më pozitive, me vetëm nga 3 raste.

Situata në spitale

Aktualisht po marrin trajtim spitalor 23 pacientë, nga të cilët 6 pacientë janë në terapi intensive.

Të shëruar

Në 24 orët e fundit janë shëruar 34 qytetarë, duke e çuar numrin e të shëruarve në 129,736 që nga fillimi i epidemisë.

Apeli

Ministria e Shëndetësisë dhe Mbrojtjes Sociale u drejtohet qytetarëve të mos neglizhojnë asnjë shenjë të sëmundjes dhe të kontaktojnë për çdo dyshim me mjekun e familjes, për të kryer testimin si dhe për ndjekjen dhe trajtimin ambulator në banesë. Telefononi në numri 127 të Urgjencës Kombëtare për çdo emergjencë apo referim në spital.

Statistika (08 Qershor 2021)

Raste të reja ditore        13

Të shëruar në 24 orë      34

Të shtruar në spitale      23

Humbje jete në 24 orë   0

Testime ditore                2872

Testime totale             743,447

Raste pozitive             132,397

Raste të shëruara        129,736

Raste Aktive                  209

Humbje jete                  2,452

Shpërndarja gjeografike e rasteve aktive sipas qarqeve:

Shkodër       54

Tiranë          48

Berat             33

Lezhë           17

Korçë            16

Elbasan        15

Vlorë              7

Gjirokastër   5

Durrës          4

Fier                4

Kukës           3

Dibër             3

Gazeta SHQIP