LAJMI FUNDIT/ Më pak testime, por sërish shifra të larta infektimesh. Vetëm një qark pa virus

Numri i rasteve të reja me Covid të raportuara në 24 orët e fundit mbetet i lartë. 31 persona kanë rezultuar pozitiv, sipas Ministrisë së Shëndetësisë, ndërkohë që në krahasim me një ditë më parë, ku u regjistruan 34 raste, janë kryer rreth 1 mijë testime më pak.

Fatmirësisht, as këtë të premte nuk u regjistruan viktima, ndërkohë që në total janë 254 raste aktive, prej të cilëve vetëm gjashtë janë të shtruar në spitalin infektiv. Dibra vijon të mbetet qarku i vetëm i paprekur.

Njoftimi i Ministrisë së Shëndetësisë

Ministria e Shëndetësisë dhe Mbrojtjes Sociale ju bën apel qytetarëve të vaksinohen për t’u mbrojtur nga Covid19, në çdo qendër shëndetësore dhe pikë vaksinimi kudo në vend. Shfrytëzoni ditët e hapura të vaksinimit deri të dielën, për t’u vaksinuar pa kufizim, nëse jeni mbi 18 vjeç.
Ministria e Shëndetësisë ju rikujton të gjithë qytetarëve rëndësinë e zbatimit me përpikmëri të rregullave për parandalimin e COVID19 dhe apelon të mos neglizhoni asnjë shenjë të sëmundjes. Për çdo dyshim, kontaktoni me mjekun tuaj të familjes për t’u testuar ose telefononi Urgjencën Kombëtare në numrin unik 127.

Ju informojmë për situatën në 24 orët e fundit, si vijon:
Janë kryer 2377 testime, nga të cilat kanë rezultuar pozitivë me Covid19, 31 qytetarë, në këto bashki: 7 raste në Tiranë, 6 raste në Elbasan, 5 raste në Skrapar, 3 raste ne Lushnje, 2 raste në Lezhë, Sarandë, 1 rast në Krujë, Fier, Has, Berat, Kamëz.
Aktualisht janë 254 pacientë aktivë me COVID19 në të gjithë vendin.
Në Spitalin Infektiv po marrin trajtim spitalor të specializuar 6 pacientë.
Në 24 orët e fundit nuk ka asnjë humbje jete me Sars-Cov2 pozitiv.
Janë shëruar 9 qytetarë gjatë 24 orëve të fundit, duke e çuar numrin e të shëruarve në 130,118 që nga fillimi i epidemisë.

Statistika (23 Korrik 2021)
Raste të reja ditore 31
Të shëruar në 24 orë 9
Të shtruar në spitale 6
Humbje jete në 24 orë 0
Testime ditore 2377

Testime totale 871,199
Raste pozitive 132,828
Raste të shëruara 130,118
Raste Aktive 254
Humbje jete 2,456

Shpërndarja gjeografike e rasteve aktive sipas qarqeve:

Tiranë 99
Vlorë 25
Elbasan 24
Durrës 23
Kukës 21
Lezhë 16
Shkodër 14
Fier 14
Berat 11
Korçë 6
Gjirokastër 1