Me pushime në Vuno, ja kush e shoqëronte ambasadoren Kim duke pirë Uzo
Ambasadorja e SHBA në Tiranë, Yuri Kim duket se pas ditësh të ngarkuara ka vendosur të pushojë në një prej fshatrave turistike në bregdetin e Jugut.
Ajo gjendet në Vuno, ku tregon se ka kaluar disa çaste në shoqërinë e vendasve, duke kosnumuar uzo.
“Ashtu si shumë njerëz në Shqipëri dhe në Evropë, unë jam duke marrë pushime të shpejta. Shkova në Vuno për një kafe në sheshin e fshatit dhe përfundova duke pirë ouzo me banorët. Faleminderit Petro, Gjergj, Irakli, Armando dhe miq të tjerë të rinj që më ftuan të ndaj një pije dhe për një bisedë shumë të bukur. Unë e vlerësova mësimin për fshatin tuaj, ndarjen e pikëpamjeve për jetën në Shqipëri dhe bisedimin për familjet tona. Unë do ta mbaj premtimin tim për t’u kthyer në fshatin tuaj të bukur dhe për të vazhduar bisedën tonë. Faleminderit”, shprehet Kim.