SHBA godet me dronë përreth Aeroportit të Kabulit

Një sulm me dron amerikan në kryeqytetin afgan Kabul ka parandaluar një sulm tjetër vdekjeprurës vetëvrasës në aeroport. Sulmi kishte në shënjestër një automjet që mbante të paktën një person të lidhur me degën afgane ISIS-it.

SHBA kishte paralajmëruar për sulme të mundshme të mëtejshme pasi evakuimet të përfundonin. Një sulm me bombë në aeroportin e Kabulit të enjten vrau deri në 170 njerëz, përfshirë 13 trupa amerikane.

Një degë rajonale e grupit të Shtetit Islamik, IS-K, tha se ishte prapa bombardimeve të së enjtes. Në shenjë hakmarrjeje, Shtetet e Bashkuara kryen një sulm me dron në Afganistanin lindor, duke thënë se kishin vrarë dy anëtarë të “profilit të lartë” të IS-K.

Zyrtarët e inteligjencës amerikane më herët thanë se kishin marrë kërcënime “specifike, të besueshme” për sulme kundër aeroportit dhe se ushtria do të vazhdonte të kryente sulme të përqëndruara aty ku ishte e nevojshme.

SHBA i këshilloi njerëzit të qëndrojnë larg zonës, pavarësisht se koha po mbaron për këdo që ende përpiqet të largohen nga Afganistani.

Afati për misionin e evakuimit më 31 gusht u ra dakord midis SHBA dhe talebanëve, të cilët tani kontrollojnë pjesën më të madhe të vendit.