Davide Pecorelli tregon para hetuesve italianë përse u zhduk: Jam i mbytur në borxhe, qëndrova 8 muaj në komunitetin e murgjërve

Mediet në Itali kanë zbardhur një pjesë të dëshmisë ka bërë Davide Pecorelli

përpara hetuesve në Prokurorinë e Perugias së fundmi.

Ai ka rrëfyer se për disa muaj kishte qëndruar në një komunitet murgjërish, në Medjugorie, në Bosnjë Hercegovinë.

Që prej fillimit të ngjarjes prokuroria ka marrë në pyetje 13 persona, mes te cilëve edhe të dyshuar që e kanë ndihmuar të kalojë kufirin.

Davide Pecorelli ka thënë par medieve italiane se ndodhet i zhytur në borxhe.

“Vendosa që të zhdukesha sepse jam i zhytur në probleme ekonomike. Jam praktikisht i rrënuar”, ka thënë ai para gjykatësit.

Për rreth nëntë muaj Pecorreli qëndroi i fshehur, ndërsa inskenoi të gjithë ngjarjen e zhdukjes së tij.

Sidoqoftë, ka ende shumë mistere për t’u zgjidhur, raportojnë mediet italiane. Sipas hetuesve, problemet ekonomike janë në themel të zhdukjes së papritur të tij.