Grenell: Biden nuk e përmendi në OKB dialogun Kosovë-Serbi, është e qartë se nuk e ka përparësi
Ambasadori Richard Grenell, ish i dërguari i posaçëm i ish-presidentit Trump për dialogun Kosovë-Serbi ka reaguar pas fjalimit të Presidentit Biden në Organizatën e Kombeve të Bashkuara.
Me anë të një postimi në rrjetet sociale, Grenell shprehet se Biden nuk përmendi dialogun Kosovë – Serbi dhe shton më tej se Shtëpia e Bardhë nën drejtimin e tij nuk e ka përparësi të partnerizohet me Balkanin.
“Joe Biden nuk e përmend as dialogun Kosovë-Serbi në fjalimin e tij në OKB. Është e qartë se nuk është përparësi për këtë Shtëpi të Bardhë të partnerizohet me Ballkanin në asnjë mënyrë”- shkruan ai në Twitter.
Presidenti i Shteteve të Bashkuara, Joe Biden mbajti fjalimin e tij të parë në sallën e Kombeve të Bashkuara duke trajtuar problemet qendrore me të cilat përballen Shtetet e Bashkuara dhe bota, përfshirë pandeminë COVID-19, klimën, konfliktet botërore, gjendjen në Afganistan, çështjet madhore diplomatike dhe luftën kundër korrupsionit.
Joe Biden fails to even mention the Kosovo-Serbia dialogue in his UN speech.
It is clearly not a priority for this White House to partner with the Balkans in any way.
— Richard Grenell (@RichardGrenell) September 21, 2021