Nga vjedhja e celularit të së dashurës deri tek vrasja e policit, e shkuara kriminale e Aldi Ramës

Kontigjent krimi që në adoleshencë. Skeda kriminale e Aldi Ramës figuron në emrat e kuq të regjistrave të policisë. 21-vjeçari vrau sot efektivin e policisë Saimir Hoxha pas një kontrolli për parcelat me drogë.

Mësohet se Rama është rritur nga gjyshi i tij, pasi prindërit i kishte të divorcuar që në 2012. Në vitin 2019, kur ishte vetëm 18-vjeç Aldi Rama bëri burg si i akuzuar për vjedhje dhe posedim kanabisin. Ai u akuzua për vjedhjen e telefonit të të dashurës së tij dhe iu gjetën cigare kanabis në banesën e gjyshit me të cilin jetonte.

Por jo vetëm kaq, pasi e dashura e tij e kishte kallëzuar në polici për dhunë fizike, por një çështje e tillë ishte pushuar nga gjykata. Ndërsa në vitin 2020, Aldi Rama u ndalua sërish për mbajtje pa leje të armëve të ftohta. Ndërsa në rrjetet sociale kujdesej të postonte foto me armë, makina duke treguar edhe jetën që bënte.