“Po bëmë sherr me shqiptarët, na gjejnë pas tre javësh”, ish lojtari i Rumanisë tregon episodin në Tiranë: Ishim për darkë me Bogdanin

Në tetor 2011, Shqipëria barazoi 1-1 në Tiranë me Rumaninë në kualifikueset e Euro 2012. Pas asaj sfide, trajneri Viktor Piturka u kishte dhënë leje lojtarëve të Rumanisë që të dilnin në kryeqytet dhe një grup prej tyre, u takua me sulmuesin e përfaqësueses shqiptare, Erjon Bogdani.

“Ndodhi pas një ndeshje të luajtur nëj të matë në Tiranë, kur trajner ishte Piturka, pas përfundimit të ndeshjes, na tha se lejoheshim të dilnim disa orë në qytet, por nuk duhej të vonoheshim më vonë se ora 1 e mëngjesit. Mutu luante asokohe te Çezena dhe shqiptari Bogdani ishte bashkëlojtar i tij. Ai e telefonoi, e ftoi për darkë dhe Adi mori me vete disa djem të tjerë. Nuk më kujtohet mirë, isha unë, Tamas, Torje dhe dikush tjetër. Ne hëngrëm darkë, pimë një gotë verë dhe pastaj thamë që do të vazhdonim me diçka më shumë.

Ishte rreth 10 e gjysmë, por Bogdani na tha që janë të gjithë të mbyllura dhe nuk është se keni ku të shkonim, por na rekomandoi në vend aty afër. Ai shkoi në shtëpi dhe ne shkuam në lokal. Kur hyra brenda, ishte komplet errësirë”, tregoi Dorin Goian.

“Në një cep ishin tre shqiptarë bashkë me disa vajza. Njerëzit po bënin qejf pranë tyre, pa u shqetësuar. Ndërsa pjesa tjetër ishte bosh. Ishim edhe ne në një tavolinë afër. Mora një pije tjetër, katering, dhe papritur, ndizet Tamas. Ai i thotë Torjes “Gabi, shiko sa shëmtuar po na shohin! Shkoi e tregojua qejfin!”. Por ata ishin për hesapin e tyre, po ia kalonin mirë në grupin e tyre. Adi (Mutu) dhe unë e kuptuam që situata do dilte nga kontrolli. Ne ndaluam Torjen, u munduam të qetësonim Tamas dhe i tërhoqëm nga dera e jashtë për të shkuar drejt hotelit, pasi kishte kaluar kohë dhe afronte afati që kishte vendosur trajneri. Gjatë rrugës po flisnim me njëri-tjetrin. “Nëse do të bënim sherr me shqiptarët, do të na gjenin këtu pas tre javësh””, kujtoi Dorin Goian atë eksperiencë në Tiranë.