SHBA/ “The Eagle”, rrëfehet shqiptari me karrierë të artë në “MMA”

Adrian Hadribeaj është shqiptari i parë që ka mbi supe një karrierë të madhe në MMA, të cilën e ka nisur në vitin 2009 në SHBA.  Ai njihet me pseudonimin “The Eagle” dhe gjithmonë mban flamurin shqiptar me vete.

Në një lidhje me “Skype” për “ABC e Mëngjesit”, Adriani foli për karrierën e tij, por duke theksuar se qëllimi i tij kryesor është familja, pasi sporti e ka një moshë.

Ai ka treguar se idoli i tij është Jean-Claude Van Damme, që e ka frymëzuar që të bëhej pjesë e këtij sporti.

“Nuk doja të isha te ata sportistët që thonë se nuk kanë ndihmë nga shteti. Kjo është e vërtetë, por zgjodha të ikë dhe të ndjekë ëndrrën time për t’ia arritur.

Kjo gjë është pasion i imi dhe çdo gjë është me moshë. Synimi im është familja dhe biznesi.

E kam menduar, e kam pasur shumë të afërt në atë drejtim. Por më shumë jam i fokusuar te ardhmja dhe familja. Van Damme ishte me të vërtetë një ikonë që më futi në këtë lloj sport.

Është një sport i rëndë si zjarri. Është me të vërtetë luftarak”, tha ai.