FOTO/ “Lul vula” tani del dhe “Sali vula”/ Berisha nxjerr njoftimin që ka për demokratët

Mes dy kampeve në PD po luftohet jo vetëm me statute, por edhe për vulat. Mbështetësit e Sali Berishës kanë njoftuar kështu se kanë miratuar vulën e re.

Në njoftimin e nxjerrë bëhet e ditur nga kampi i Berisës se kjo është vula e re dhe zyrtare e PD-së dhe se çdo dokument tjetër pa këtë vulë nuk është zyrtare, pra cilësohet si nul.

Berisha ka akuzuar Bashën duke etiketuar si “Lul Vula”, pasi nuk i ka mbetur asgjë, por tashmë beteja për vulën është kthyer në primare, ashtu si edhe për regjistrimin në Gjykatë të statutit.

Si Basha, ashtu edhe komisioni për reformimin e PD-së kanë depozituar në gjykatë statutin e ri duke kërkuar regjistrimin.

Kuvendi i 11 dhjetorit i thirrur nga Berisha vendosi gjithashtu edhe për shkarkimin e Lulzim Bashës nga posti i kryetarit. Gjithashtu më 18 dhjetor, do të organizohet edhe referendumi me anëtarësinë nëse janë pro apo kundër këtij vendimi.

Po në të njëjtën datë Basha mban edhe mbledhjen e Kuvendit Kombëtar të thirrur nga PD.