Lirimi i 4 të akuzuarve që nxorrën në shesh pagat e shqiptarëve, Alibeaj: Mbrojtje Edi Ramës për skemën e patronazhimit
Partia Demokratike ka reaguar ndaj vendimit të Gjykatës për lirimin e katër personave që u përfshinë në skandalin e publikimit të pagave të mbi 650 mijë shqiptarëve.
Nëkryetari i PD-së, Enkelejd Alibeaj në një reagim për median tha se “Vendimi i sotëm i gjykatës për të liruar 4 personat e akuzuar për nxjerrjen e të dhënave personale të shqiptarëve është dëshmi e qartë se Edi Rama po mbron krimin e vet për vjedhjen e zgjedhjeve. Është gjithashtu e qartë, se vendimi tregon se segmente të drejtësisë mbeten nën ndikimin direkt të Edi Ramës dhe i shërbejnë pushtetit të tij të vjedhur”.
“Vendimi i sotëm i gjykatës është dëshmi e qartë se autorët e publikimit të të dhënave, përfshirë dhe atë të patronazhistëve janë kryeministri dhe vartësit e tij. Nuk ka asnjë shpjegim juridik apo logjikë normale që të justifikojë gjykimin në gjendje të lirë për 4 personat që kryen krimin, i cili i ka shërbyer para së gjithash, Edi Ramës”, u shpreh Alibeaj.
Gjykata e Tiranës caktoi masën “detyrim paraqitje për eksperten e IT-së tek Tatimet, Eni Qirjakon dhe “arrest shtëpie” për tre të arrestuarit e tjerë, ekspertin tjetër të IT tek Tatimet, Andi Agaraj dhe dy përmbaruesit privatë Klodian Sota dhe Endri Ikonomi.
Dy prej tyre akuzohen se shpërdoruan detyrën dhe dy të tjerët se ushtruan korrupsion duke blerë të dhënat personale të 650 mijë shtetasve shqiptarë mes tyre edhe listat e pagave që në mbyllje të dhjetorit u bënë virale.
Specialistja e IT pranë Akshi, Eni Qirjako në gjashtë episode ia ka kaluar përmes e-mailit zyrtar pagat e shqiptarëve Agarait, ky i fundit ia shiti për 20 mijë lekë Sotës dhe Ikonomi, ndërsa zinxhiri nuk mbyllet këtu.
DEKLARATË E NËNKRYETARIT TË PD ENKELEJD ALIBEAJ
Vendimi i sotem i gjykates per te liruar 4 personat e akuzuar per nxjerrjen e te dhenave personale te shqiptareve eshte deshmi e qarte se Edi Rama po mbron krimin e vet për vjedhjen e zgjedhjeve. Është gjithashtu e qartë, se vendimi tregon se segmente te drejtesise mbeten nen ndikimin direkt te Edi Rames dhe i shërbejnë pushtetit të tij të vjedhur.
Vendimi i sotëm, në thelb, vulos me pafajësi një nga krimet më të mëdha të Edi Ramës në lidhje me zgjedhjet dhe një nga skandalet me të mëdha të kësaj qeverie në lidhje me privatësinë dhe sigurinë e të dhënave përsonale të qindra mijëra shqiptarëve.
Vendimi i sotem i gjykates eshte deshmi e qarte se autoret e publikimit të të dhenave, perfshire dhe ate te patronazhisteve jane kryeministri dhe vartesit e tij. Nuk ka asnje shpjegim juridik apo logjike normale qe te justifikoje gjykimin ne gjendje te lire per 4 personat qe kryen krimin, i cili i ka shërbyer para së gjithash, Edi Ramës.
Të dhënat e kartës së identitetit, vendit të punës, numrit të telefonit, pagës së qytetarëve u vodhën për të vjedhur zgjedhjet! Ato janë pjesë e skemës kriminale të patronazhimit për vjedhjen e zgjedhjeve të 25 prillit, në shërbim të pushtetit personal të një njeriu të vetëm, Edi Ramës.
Që në fillim të shpërthimit të skandalit, Edi Rama u përpoq ta zvogëlojë përmasën e skandalit, ndërsa sot, me tentakukat e tij në sistemin e drejtësisë, doli hapur dhe liroi 4 personat, që akuzohen zyrtaisht për publikimin e të dhënave.
Shqiptarët e kanë të qartë se krim nuk është vetëm publikimi i të dhënave! Krim është mbledhja e këtyre të dhënave që prekin sigurinë e qytetarëve për qëllime elektorale.
Partia Demokratike denon nderhyrjen flagrante te Edi Ramës në vendimin për të liruar vartësit e tij dhe për të mos i shkuar deri në fund skemës kriminale të patronazhimit përmes vjedhjes së të dhënave perisonale të shqiptarëve.
Me taksat e tyre, shqiptarët kanë paguar në 8 vjet qeverisje të Edi Ramës, 160 milionë euro me qëllimin e vetëm që të dhënat e tyre të jenë të sigurta.
Me Edi Ramën në krye të qeverisë nuk ka asgjë të sigurtë: as vota nuk është e sigurtë, as puna, as siguria në familje. Një kryeministër që keqpërdor dhe tradhëton qytetarët për pushtetin e vet personal duhet të ishte sot para drejtësisë!