A e nënvlerësova Putinin? Biden: Unë nuk po luaj blofin, ai po kërkon Bashkimin Sovjetik, kemi mbi tryezën vendimin…
Presidenti amerikan Joe Biden jep deklaratën e tij për Ukrainën. Presidenti amerikan Biden tha se presidenti rus Vladimir Putin mban përgjegjësinë e plotë për sulmin ndaj Ukrainës kësisoj ai shtoi se Rusia do të përballet me pasojat për shkak të tij.
“Kemi dhënë informacione për atë se çfarë mund të ndodhte që të mos kemi konfuzion. Putin zgjodhi luftën dhe tashmë ai do të përballet me pasojat. Ne do shpallim sanksione të forta kundër Rusisë dhe do paguajë një çmim të lartë. Kjo do ketë impakt të madh ndaj Rusisë. Dua të jem i qartë dhe këtë SHBA s’po e bëjnë vetëm por me partnerët e tyre”.
Presidenti Biden ka përsëritur se forcat amerikane “nuk janë dhe nuk do të përfshihen” në konfliktin me Rusinë në Ukrainë.
“Forcat tona nuk do të shkojnë në Evropë për të luftuar në Ukrainë, por për të mbrojtur aleatët tanë të NATO-s dhe për të qetësuar ata aleatë në lindje”, thotë ai. “Shtetet e Bashkuara do të mbrojnë çdo centimetër të territorit të NATO-s me fuqinë e plotë të fuqisë amerikane.”. Biden shton se ai beson se NATO është më e bashkuar se kurrë më parë dhe se “nuk ka dyshim” se SHBA dhe vendet e tjera të NATO-s do të përmbushin angazhimet e tyre të traktatit.
Mijëra forca tokësore dhe të tjera amerikane janë dislokuar në vendet e NATO-s në Evropën Lindore që ndihen të kërcënuara nga Rusia, duke përfshirë Letoninë, Estoninë dhe Lituaninë në Baltik, si dhe Poloninë dhe Rumaninë.
Presidentit amerikan iu bë një pyetje nëse e kishte nënvlerësuar presidentin rus Vladimir Putin.
“Nuk e kam nënvlerësuar. Kur e kam takuar në verë e kam theksuar se ai do të ishte një këshilltar i vjetër. Ajo që po bën është një përpjekje për rikthimin e Bashkimit Sovjetik. Unë jam i bindur se këto sanksione do të jenë apo aq efektive të trupave e tankeve ruse në Ukrainë. Vendosja e sanksioneve personale të Putin nuk është një blof, por një opsion që ne e kemi diskutuar padyshim. Sanksionet që ne kemi vendosur e tejkalojnë dëmin financiar nga sistemit Swift”, theksoi presidenti amerikan.