Kthesë e papritur, Ukraina i kërkon takim brenda 48 orëve Rusisë, ambasadori bën lëmsh botën për NATO-n

Ukraina ka bërë thirrje për një takim me Rusinë dhe anëtarë të tjerë të një grupi kyç të sigurisë evropiane lidhur me përshkallëzimin e tensioneve në kufirin e saj.

Ministri i Jashtëm Dmytro Kuleba tha se Rusia kishte injoruar kërkesat zyrtare për të shpjeguar instalimin e trupave. Ai tha se hapi tjetër ishte kërkesa për një takim brenda 48 orëve të ardhshme për transparencë në lidhje me planet e Rusisë.

Rusia ka mohuar çdo plan për të pushtuar Ukrainën, pavarësisht nga grumbullimi i rreth 100,000 ushtarëve në kufijtë e Ukrainës.

Por me SHBA-të që thonë se Moska mund të fillojë me bombardime ajrore “në çdo kohë”, më shumë se një duzinë vendesh u kanë kërkuar qytetarëve të tyre të largohen nga Ukraina.

Ambasadori i Ukrainës në Londër, Vadym Prystaiko, është tërhequr nga komentet e tij për BBC, në të cilat ai tha se Ukraina ishte e gatshme të ishte “fleksibile” në ambicien e saj për t’u bashkuar me NATO-n, që do të ishte një lëshim i madh për Rusinë.

Por në një intervistë të mëvonshme ai tha se Ukraina kishte një angazhim kushtetues për t’u bashkuar me NATO-n dhe varej nga “gatishmëria e vetë NATO-s” nëse Ukraina do të pranohej”.

Ministri i Forcave të Armatosura Britanike, James Heappey, tha se Mbretëria e Bashkuar do të mbështeste çdo gjë që Ukraina të vendosë të bëjë. Një zëdhënës i ministrit të jashtëm të vendit i anuloi menjëherë komentet, duke pretenduar se fjalët e Prystaiko ishin nxjerrë jashtë kontekstit.
“Ambasadori Prystaiko vuri në dukje me të drejtë në intervistën e tij se perspektiva e anëtarësimit në NATO është vendosur në kushtetutën e Ukrainës, megjithëse Ukraina aktualisht nuk është anëtare e NATO-s apo ndonjë aleance tjetër sigurie”, shkroi Oleg Nikolenko në Facebook.