Meta: Reforma në drejtësi e kapur, si dhe kush do ta luftojë korrupsionin?

Presidenti Ilir Meta këtë të shtunë ka reaguar në lidhje me ecurinë e reformës në Drejtësi.

Meta përmes një postimi në rrjetin social Facebook shkruan se nëse reforma në Drejtësi vijon të jetë e kapur kush do e luftojë korrupsionin.

Ndër të tjera ai thekson se për të vërtetuar kapjen e reformës në drejtësi mjafto që të shikojmë aferën e inceneratorëve, 430 milion euro të paguara nga taksapaguesit shqiptarë dhe do të kuptoni se çfarë grupi i strukturuar kriminal e qeverisë këtë vend.

“Nëse kapet Reforma në Drejtësi, siç është kapur, kush do ta luftojë korrupsionin? Si do të luftohet korrupsioni?

Mjafton të shikoni vetëm aferën e inceneratorëve, 430 milion euro të paguara nga taksapaguesit shqiptarë dhe do të kuptoni se çfarë grupi i strukturuar kriminal e qeverisë këtë vend.

Natyrisht hetimet nuk mund të ecin dhe të shkojnë atje ku është burimi i problemit, në selinë e Këshillit të Ministrave”, shkruan Meta.