“Stop Putin”, mijëra protestues në Frankfurt dhe Londër në protestë në shenjë solidariteti për Ukrainën

Mijëra njerëz kanë dalë në protestë në rrugët e Frankfurtit dhe në Downing Street të Londrës në shenjë solidarizimi për Ukrainën dhe për të dënuar sulmin rus.

Me flamuj ukrainas, pjesëmarrësit shprehën solidaritetin e tyre me vendin e Evropës Lindore, teksa mbanin në duar pankarta “Stop Putin-Stop Rusia”.

Në mitingun e organizuar nga Partia e Gjelbër nën moton “Solidariteti me Ukrainën – Paqe në Evropën Lindore”, para pjesëmarrësve foli edhe konsulli i përgjithshëm i Ukrainës, Vadym Kostiuk, me seli në Frankfurt.

Gjithashtu qindra protestues janë mbledhur edhe në rrugët e Downing Street për të dytën ditë rresht për të shprehur zemërimin e tyre mbi pushtimin rus të Ukrainës. Protestuesit kërkuan më shumë veprime nga Perëndimi ndërsa Boris Johnson njoftoi sanksione personale kundër liderit rus Vladimir Putin dhe ministrit të jashtëm Sergei Lavrov.