“Të fortë së bashku”, presidenti i Ukrainës falenderon Metën: Vlerësojmë solidaritetin e Shqipërisë!

Presidenti i Ukrainës Volodymyr Zelensky ka falenderuar presidentin e vendit tonë, Ilir Meta. Përmes një postimi një Twitter Zelensky shkruan se vlerëson solodaritetin e Shqipërisë në lidhje situatën e tensionuar mes Ukrainës dhe Rusisë.

“I jam mirënjohës Presidentit Ilir Meta për fjalët e tij të mbështetjes në Ditën Kombëtare të Unitetit! Ne vlerësojmë solidaritetin e Shqipërisë, miqve dhe partnerëve të tjerë të Ukrainës për hir të një të ardhmeje të përbashkët evropiane. Së bashku ne e bëjmë Ukrainën më të fortë! “Së bashku më të fortë”, shkruan Zelensky.

Më herët Kreu i Shtetit në një postim në Facebook, u shpreh se Shqipëria qëndron krah popullit të Ukrainës, në mbështetje të integritetit dhe të drejtës që ata kanë për të zgjedhur aleancat në të ardhmen.