Dëgjuan një të shtënë/ Ushtarët rusë të dehur ‘frikësohen’ e qëllojnë këdo që u del para, vdes 10-vjeçarja

Një incident tjetër i rëndë ka ndodhur në mesin e tensioneve të luftës në Ukrainë. Disa ushtarë rusë kanë qëlluar për vdekje një ditë më parë një vajzë 10-vjeçare në afërsi të Kievit.

Kjo pasi ushtarët dëgjuan një të shtënë dhe nisën të qëllonin, tha kushërira e vajzës.

Anastasia Stoluk, e njohur si Nastya, vdiq në Shybene, rreth 40 milje në veri të Kievit, tha për The Times kushërira e saj Anya Stoluk, 18 vjeç . Ushtarët refuzuan të lejonin nënën e Nastya, Luba, të shkonte në varreza, kështu që ajo u varros në oborr, shtoi Anya.

Ushtarët kishin filluar të qëllonin pasi një adoleshent ukrainas gjeti një armë dhe e qëlloi në ajër. “Ushtarët e dëgjuan, por duke qenë se ishin aq të dehur, nuk e dinin se nga ishte, kështu që filluan të qëllonin kudo që mund të shihnin. Ata qëlluan në katër shtëpi dhe në njërën prej tyre ishte Nastya”, tha ajo.

Back to top button
LAJMET E FUNDIT