Dita e 28 e pushtimit/ Rusët bombarduan një prej korridoreve humanitare. 100 mijë njerëz në Mariupol jetojnë pa ushqim, ujë dhe ilaçe

Tashmë 4 javë nga fillimi i luftës në Ukrainë. Situata vijon të mbetet tepër shqetësuese e ndërsa bombardimet vijojnë në të gjitha qytetet.

Presidenti Zelensky ngriti alarmin se 100,000 njerëz në Mariupol jetojnë pa ushqim, ujë dhe ilaçe. Zelensky më tej i kërkoi edhe Italisë shtimin e sanksioneve. “Ne vazhdojmë të punojmë që Rusia të jetë e bindur se kjo luftë e tmerrshme duhet të ndalet. Ne vazhdojmë negociatat tona të vështira. Është sfiduese e ndonjëherë skandaloze, “tha Presidenti Volodymyr Zelensky.

Britania e Madhe nga ana tjetër paralajmëroi se Rusia mund të rrisë masat dhe dhunën pas protestave nga civilët në Ukrainë.

Ndërsa Prokuroria e Përgjithshme ukrainase raportoi dyshimin e parë për pushtuesit rusë që vranë një burrë dhe përdhunuan gruan e tij në rajonin e Kievit.

Zyra e prokurorit në Ukrainë ka thënë se më shumë se 120 fëmijë kanë humbur jetën në këtë muaj të luftës.

Në Chernihiv, forcat ruse bombarduan urën mbi lumin Desna që lidhte qytetin me Kiev. Kjo urë funksiononte si një korridor humanitar për evakuimin e civilëve, por tani nuk është më.

Back to top button
LAJMET E FUNDIT