Krisen marrëdhëniet Rusi-Kinë? Lavrov anullon vizitën, kthehet në mes të fluturimit

Aeroplani me të cilin po udhëtonte ministri i Jashtëm rus, Sergei Lavrov, për në Pekin, është kthyer në Novosibirsk dhe fluturoi për në Moskë.

Sipas mediave të huaja Lavrov kishte planifikuar të shkonte në Pekin ditën e sotme, ndërsa avioni i tij ndërroi drejtim në Novosibirsk (Siberi) dhe u kthye në Aeroportin Vnukovo të Moskës.

E përditshmja britanike “Financial Times” citoi zyrtarët amerikanë të thoshin se Rusia shkon në Kinë për pajisje ushtarake pasi kjo e fundit do të mbështesë pushtimin e saj në Ukrainë.

Shtëpia e Bardhë është e shqetësuar se Pekini mund të minojë përpjekjet perëndimore për të ndihmuar në sigurimin e Ukrainës.

Zyrtarët e Kinës nuk e dënuan pushtimin rus të Ukrainës, por kundërshtuan atë që e quajti pushtim dhe njoftuan synimin e tyre për të mbajtur marrëdhënie normale ekonomike me Rusinë. Ministri i Jashtëm kinez, Ëang Yi tha se miqësia kino-ruse ishte “e fortë” dhe se të dy vendet kishin mundësi të mëdha për bashkëpunim.