Kryebashkiaku ukrainas qëllohet për vdekje afër Kievit, trupat ruse nuk kursejnë asnjë

Duket se trupat ruse nuk po kursejnë asnjë.
Bëhet me dije se ata kanë qëlluar dhe vrarë kryebashkiakun e Hostomel, Yuri Prylypko. Lajmi është konfirmuar nga zyrtarët ukrainas.
Mësohet gjithashtu se ky qytet është në afërsi të kryeqytetit ukrainas Kiveit, aty ku ndodhet fusha ajrore Hostomel, një pikë strategjike në qendër të luftimeve midis forcave ruse dhe ukrainase.
Këshilli i qytetit tha se Yuri Prylypko vdiq teksa shpërndante bukë dhe ilaçe për ata që kishin nevojë për ndihmë në zonën e rrethuar nga forcat ruse. Ai u vra së bashku me dy të tjerë, Ruslan Karpenkom dhe Ivan Zore.
Për shkak të luftës ka qenë e pamundur që të mbahet një funeral, teksa këshilli i Hostomel, nëpërmjet një deklarate tha se “vdiq si hero”./ Gazeta Shqip